ফটাঢোল

ক্ষুদ্ৰ দৰঙীয়া একাংকিকা – কুসুমাঞ্জলি শৰ্মা

চৰিত্ৰ চিনাকি
#বুদ্ধিৰাম  :- বিয়াল্লিচ বছৰ বয়সৰ গৃহস্থ, পেচা হাটে বজাৰে বাৰীৰে হাঁহ-পাৰ, পাণ, তামোল বেচিবলৈ মাজে মাজে লৈ যায়। ঘূৰি আহোঁতে ঘৰত লগা টুকটাক কিবাকিবি কিনি আনে।
#গোলাপী:  বুদ্ধিৰামৰ পৰিবাৰ। বয়স পঁইত্ৰিছ বছৰ মান হৈছে।
#স্থান ছিপাঝাৰৰ ভিতৰুৱা গাঁৱৰ পুৱাবেলা
বুদ্ধিৰাম :-অ শুন্চা ! এই ডাড়ি কাটা বিলেদ খানেদি কোনে কি কাটছিলেই  ?
গোলাপী:    কিয়ানো, কি হৈছি ?
 বুদ্ধিৰাম:-   ডাড়ি কেইদাল কাটা যাৱা নাই ! এখান নতুন বিলেদ !! কানীয়াৰ দোকানৰ পে পদ্ধিনা আইনছিলোঁ !
গোলাপী: –  সেক খান্ কি আংবাং বকি আছানো ? পুৱা সৰু বাপাই কাঠ পেঞ্চুল জোঙেইছিল দেখোন ! ৰাম ৰাম!  নিজৰ ডাড়িসোপা কাঠ পেঞ্চুলতকে টান হ’লনে ??
 বুদ্ধিৰাম:- সেইকোন্তে মই ঝাড়ৰ মাঝৰ ঝিয়া বিয়া কৰাবা খোজা নাচ্চিলোঁ ! বুৰ্বকৰ সঁচ !
গোলাপী:- হ সঁচত ধল্লি বেয়া হ’বো কথা। পৈ চৈ নাচাওঁ। বাইহিনীৰে জাৰিম চবকে। মোক কি বুৰ্বক দেখছানো আপুনি? কি দেখছা?
 বুদ্ধিৰাম:- একথালী এক্থালী দমৰা গৰুই চেৰবা নৰা দানা খাবা জানা ! হাথীয়া জোকৰ কামাৰ খাওতে জনমতি গেইছিল! মগজটোত গোবৰ ভৰেই  ৰাখছা।
   গোলাপী: -হ’ আপুনি কিয়ানো মোক বুৰ্বকেনীটোক আনছিলি পিছে ? মাষ্টৰৰ ঝিয়াকৰ লগত বইদেনিৰ তাকলেগি তিনবাৰ তিনবাৰ গেইছিলি বুলি মই নাজানো নিকি   … ঘটি, বটা,  কলহ সব বেচি ..উদ্ধাৰ হৈ আইছিলি বোলে চোন ! সেইসোপা চলি পলিৰ আগত মুখেদি  ওলাবো ইট্টেই ….
   বুদ্ধিৰাম:-অই সৌখাৰ তিনদাল টোকানৰ দুদ্দাল তোৰ পিঠিত চিঙচো ! ইদালে কৈ আছেই “আপৈ ! পুজা দি, পুজা দি !”
গোলাপী:-  ফফৌ ফৌ বুঢ়া ! শাশানশালিয়ে মাতি আছেই আজি আহ কালি আহ বুলি ,টাঙান ঝোকেৰবা আইছি !!ছিকৌ ! ছিকৌ !!
 বুদ্ধিৰাম:-তাই বেটীক আজি …..
 গোলাপী: – (বুঢ়া আঙুলি দেখুৱাই)হেই দাল কৰবি !!
#ভাঙনি
বিলেদ/ব্লেড
ঝিয়া/ছোৱালী
সেক খান/সেই বিলাক
সেই কোন্তে/সেই কাৰণে
ঝোকেৰবা/জোকাৰিবা
বইদেনি/বৈদানী
চেৰবা/ জপিয়াই ডেই যোৱা
শাশান শালি/শ্মশান
চলি পলি /সন্তান
ইট্টেই/এতিয়া
পদ্ধিনা /পৰহিদিনা
বাইহিনী /বাঢ়নী
সৌখাৰ টোকান/সৌকাৰ লাঠি
আপৈ/বাপ
জনমতি/জনমটো
ছিকৌ/ধিক ধিক
☆★☆★☆

7 Comments

  • Manash Saikia

    গোটত পঢ়িছিলোঁ৷ আকৌ পঢ়িলোঁ৷ সুন্দৰ৷

    Reply
    • Anonymous

      ভাল লাগিলে ৰে বেটি কথা

      Reply
  • ভাল লাগিল।

    Reply
  • অনুৰূপ মহন্ত

    সুন্দৰ আৰু বেছ উপভোগ্য একাঙ্কিকা।

    Reply
  • সুন্দৰ হৈছে।

    Reply
  • প্ৰাঞ্জল

    বঢ়িয়া লাগছি। এনেহান লিখেনি পঢ়বা পালি ভাত নাখলিও হৈ।

    Reply
  • Sanjib phukan

    ভাল লাগলে ৰে বেটি কথা

    Reply

Leave a Reply

Your email address will not be published.