ফটাঢোল

আপদীয়া পদ্য – জ্যোতিৰ্ময় গগৈ

১)
দেওবাৰৰ বজাৰ উপচি পৰিছে এয়া পাছলি বিচৰা দিন
পটল, জিকা, ভেন্দি, বিলাহী,- ‘মোক কিন, মোক কিন’

জিলিকিলেই কিন্তু সোণ নহয়
নিপোটলবোৰতে বেছি দৰৱৰ ভয়

লাহেকৈ বহি বিচাৰিবলৈ ল’লো, পোকেখোৱাহে মই নিম।

 

২)
বিজ্ঞানৰ শিক্ষক বাসৱ বৰুৱা ফিজিক্স বেছি ভাল পায়
“অগ্নিযুগৰ ফিৰিঙতি মই”- গানটো প্ৰায়ে ছাৰে গায়

কাণে কাণে আপোনাক কথা এটা কওঁ
দৃশ্য এটা দেখিলেহে ভেবা লাগি মই ৰওঁ

মেকুৰী সন্মুখেৰে পাৰ হৈ গ’লেই তিনিখোজ পাছলৈ যায়।

 

৩)
জম্মু-কাশ্মীৰ ৰ’ল লাডাখ বেলেগ হ’ল, মোডিৰ যাদু চোৱা
কেন্দ্ৰীয় শাসিত মানে কেনেকুৱা ব্যৱস্থা, মোক তুমি কোৱা

৩৭০ এতিয়া ইতিহাস হ’ল
৩৫ (ক)ৰ বাধা আঁতৰি গ’ল

সকলো বুজি লৈ শ্ৰী মতীয়ে ক’লে-মাটিকে এবিঘা লোৱা।

☆★☆★☆

 

One comment

  • হিৰণ্যজ্যোতি দাস

    কবিতাৰে বাস্তবৰ চিত্ৰ অংকন কৰাত সফল হৈছে ৷

    Reply

Leave a Reply

Your email address will not be published.