ফটাঢোল

আপদীয়া কবিতা- মালামণি গায়ন

                     (১)
চকুত ক’লা চচমা, ফিট-ফাট সাজ
মুখত জ্বলা চিগাৰ, নাই কোনো কাজ
          ব্যস্ততাৰ সীমা নাই
          কথা পাতে ঘড়ী চাই
পইচাৰ বাবে কিন্তু; সকলো নিলাজ।
                    (২)
হ’ব লাগে এটি, ম’বাইলৰ গৰাকী
নহ’লে মিছা হেনো, যুৱকৰ চিনাকি
          কথা পাতে ভুনভুন
          অন্তকে নপৰেচোন
গোটেই ধন-বিত পিতৃৰ জেপ লুৰুকি।
                         (৩)
বাইকখনো জৰুৰী, সিবোৰৰ বাবে
মস্তিয়েই মূলকথা, তেওঁলোকে ভাবে
          যদি বহে তাই লগত
          তৰণি নাথাকে দেহত
সকলো মহতিয়াই মাথোঁ আগবাঢ়ে।
☆ ★ ☆ ★ ☆

2 Comments

Leave a Reply

Your email address will not be published.