ফটাঢোল

কৌতুক – পদ্মলোচন ভৰদ্বাজ

বাৰাণ্ডাত বহি মহন্ত দাই বাতৰি কাকত পঢ়ি আছিল৷ মিচেচ মহন্তই চাহ লৈ আহিল আৰু ক’লে,

: হে-ৰি চাহ খাওক আৰু এইখন লওক বজাৰৰ লিষ্ট৷ 

ইমান পৰে তেখেতে চশমাযোৰ খুলি থৈ বাতৰি পঢ়ি আছিল, মিচেচ মহন্তক ওচৰলৈ অহা দেখি চশমাযোৰ পিন্ধি ল’লে আৰু ক’লে,

: দিয়া৷

মহন্তনী যোৱাৰ পিছত চশমাযোৰ খুলি থ’লে৷ অলপ পিছত আকৌ ফৰমাইচ লৈ মহন্তনী ওচৰলৈ আহিল৷ তেওঁঁক অহা দেখা পায় গিৰিহঁতে আকৌ চশমাযোৰ পিন্ধি ল’লে আৰু যোৱাৰ পিছত খুলি থ’লে৷ কথাটো মিচেচ মহন্তই মন কৰিলে যে- তেওঁ আহিলে গিৰিহঁতে চশমাযোৰ পিন্ধে আৰু যোৱাৰ পিছত খুলি থয়৷

কথাটো তাই একোবত সুধিয়ে পেলালে,

: হেৰি আপুনিচোন তেতিয়াৰ পৰা মই ওচৰলৈ আহিলে চশমাযোৰ পিন্ধে আৰু মই গ’লে খুলি থৈ দিয়ে, কথাটো কি?

মহন্তদাৰ উত্তৰ,

: কিয় ডক্তৰে কৈছিল নহয় মূৰৰ বিষটো আহিলে চশমাযোৰ পিন্ধি ল’বা……

এতিয়া মহন্ত দাই শুনিবলৈ পোৱা মতে মূৰৰ টেমুনাটোত ভলিনি লগাই আছে৷

☆ ★ ☆ ★ ☆

5 Comments

  • বন্দিতা

    হে হৰি, 🤣🤣

    Reply
  • সুৰশ্ৰী চুতীয়া

    তামাম

    Reply
  • আদিত্য

    🤪🤪

    Reply
  • মানসী বৰা

    খুন্দনা নহ’লে বেলনা মাৰি পৰাটো স্বাভাৱিক …সেয়ে মানুহ ভাবি-চিন্তি কথা ক’ব লাগে…😂

    Reply
  • নীলাঞ্জনা

    হাঃ হাঃ

    Reply

Leave a Reply

Your email address will not be published.