ফটাঢোল

হৃদয়ৰ পালতৰা – মৃদুস্মিতা শৰ্মা

বেথা মোৰ বহু দূৰ,

সন্তৰ্পণে ৰাখিছো-হৃদয়ৰ খাপে খাপে

য’তে থোৱা আছে তাতে পাবি-

 খেপিয়াই চালে পালতৰা সাজি।

 

নিতাল মৰা নৈশব্দৰ নিনাদত

বাজি উঠে প্ৰায়ে নিষাদৰ ষষ্ঠ সুৰ-

সুৰৰ যুগলবন্দী কৰিব পাৰ কাহানিবা 

তোৰ হৃদয়ৰ কাহাৰবা তালেৰে-

 

ভটিয়াই যাওঁ ব’ল,বেলি ডুবু ডুবু 

সিপাৰত ছাগে বুকু দুৰু দুৰু-

ফাগুনাহঁতৰ গাঁৱত আজি কোলাহল-

চৌপাৰে আমাৰ নামৰ জীয়াঢল,

অচিন তই-অচিনা মই;

হৃদয়ৰ ঢপনি হেৰুৱাৰ সময়।

পালতৰা সাজো আহ ঘৰমুৱা হওঁ-

কিয়নো,

ফাগুনাহঁতৰ গাঁৱত আজি কোলাহল-

চৌপাৰে আমাৰেই নামৰ জীয়াঢল।।

☆ ★ ☆ ★ ☆

One comment

  • নীলাঞ্জনা

    ধুনীয়া লিখিলা মৃদুস্মিতা

    Reply

Leave a Reply

Your email address will not be published.