:ঐ হিমাদ্ৰি ফাৰ্ষ্ট ইয়েৰৰ সাগৰিকাই তোক লগ কৰিব বিছাৰিছে৷ কিবা কথা আছে হেনো – দুষ্টামি ভৰা হাঁহিৰে লগৰ এজনীয়ে কোৱা কথাষাৰ বৰ গুৰুত্ব নিদিলো৷ মোৰ জন্ম পত্ৰিকা মতে শুক্ৰ অশুভ৷ প্ৰেম পিৰীতিৰ গ্ৰহ শুক্ৰ৷ দৈত্য গুৰু। আনহাতে বৃহস্পতি দেৱ গুৰু , শুক্ৰৰ শত্ৰু৷ শুক্ৰ গুৰু বিতুষ্ট থাকিলে প্ৰেমৰ ঘৰত বৃহস্পতিয়ে একো ফলাব নোৱাৰে। বোন্দা কেঁচুৰ টোপেৰেও বৰশীত মাছ লগাব নোৱাৰি৷ আগৰ দুই এটা দহেচিয়া প্ৰেমত মাহদিন ৰিহাচেল কৰিও এক্টিংৰ দিনা ডায়লগ পাহৰি প্ৰমাণ পাই থৈছো৷ গতিকে সাগৰিকাৰ প্ৰস্তাৱত উদাসীন পন্থাই

‘প্ৰেম’ এটা মিঠা মিঠা ৰাগি লগা শব্দ যি হৃদয়ত শিহৰণ জগাই তুলে। বাস্তৱৰ জগত খনতকৈ কল্পনাৰ সাগৰত সাতুৰি ভাল লগা হয়। প্ৰেম এনে এক অনুভূতি যাৰ স্পৰ্শত সকলোবোৰ বেয়া লগা ভাল লগা হৈ পৰে। মই প্ৰথম যেতিয়া প্ৰেম শব্দটোৰ লগত চিনাকি হৈছিলো তেনেই সৰু আছিলো। মোকো কোনোবাই যে ভাল পাব পাৰে তেনে অনুভব হৃদয়খনে বুজিব পৰা হোৱাই নাছিল। তথাপি এই মিঠা ৰাগিত এবাৰলৈ হ’লেও হাবুডাবু খালো। ২০০১ চনৰ কথা মই সপ্তম শ্ৰেণীৰ বৃত্তি পৰীক্ষা বাবে স্কুলৰ পৰা নিৰ্বাচিত হৈছিলো। বছৰেকীয়া

সদ্যসমাপ্ত লোকসভা নিৰ্বাচনত মোৰ তৃতীয় পুলিং বিষয়া হিচাপে নিৰ্বাচনত দায়িত্ব পৰিছিল। কাগজখন পোৱাৰ দিনৰপৰাই মোক অহেতুক দুখ এটাই আৱৰি ধৰিলে। কিয়নো আগৰ কেইবাৰ মই দ্বিতীয় পুলিং বিষয়া হিচাপে দায়িত্বত আছিলোঁ। দ্বিতীয় বিষয়াসকলৰ আটাইতকৈ কাম আৰু কষ্ট বেছি যদিও মোৰ নিচিনা বৰলাসকলৰ কাৰণে অন্য এটা সুকীয়া আমেজ আছে। দ্বিতীয় বিষয়াসকল যদি বৰলা হয় আৰু তেওঁলোকৰ হৃদয়বোৰ যদি শুকান জেওৰাৰ কামিৰ দৰে নহয়,তেন্তে এই বিষয়ে ভালদৰে জ্ঞাত। নহ’লেনো যিটো কৰ্তব্যত কাম বেছি, কষ্ট বেছি থাকে সেইটো কৰিবলৈ কোনোবা ভাৰতীয় মানুহে ভাল পাব

প্ৰেমত ফুলিছে শতদল, প্ৰেমত ঘূৰিছে ভূমণ্ডল৷ পিছে মোৰহে হয় অদল বদল৷ বিধিয়ে কলিজাত প্ৰেমৰ চাকিগছি জ্বলালেও বিধাতাই আহি কোন পলকত ফুঁ মাৰি নুমাই থৈ যায় ধৰিবকে নোৱাৰো৷ আনে প্ৰেম কৰি জগতত ফাটি ফুটি বিখ্যাত হৈ প্ৰেম কাহিনী লিখি যায় আৰু মোৰ ফটা ফুটা প্ৰেম কাহিনী সোপাই কলিজাৰ ডাষ্টবিনত পায়৷ তেনেকুৱা এটা ফটা প্ৰেম হৈছিল প্ৰাইভেট চাকৰি এটা কৰি গুৱাহাটীত থকা সময়ত৷ গুৱাহাটীত গৈ থাকিবৰ বাবে হোষ্টেল বিচাৰি হাবাথুৰি খাই খাই কোনোমতে চান্দমাৰি কলনিত হোষ্টেল এটা যেনিবা পালোগৈ। আৰু তাতেই আৰম্ভ

আমি হ’লো ডিডি ওৱানত ফাল্গুণী পাঠকৰ গানে তোলপাৰ লগোৱা দিনৰ মানুহ। “চাৱন মে মৌৰণী বনকে মে তো চম চম নাচো”, “য়াদ পিয়া কি আনে লগি…” এনেকুৱা গানৰ ভিডিঅ’বোৰ চাই চাই ইতিমধ্যে প্ৰেম মানে কি তাৰ মোটামোটি ধাৰণা এটা কৰি পেলাইছিলো। হাইস্কুলত পঢ়ি থাকোঁতে দুই একে মোৰ চাইকেলৰ বক্সটোত “আই লাভ ইউ” বুলি লিখা কাগজৰ টুকুৰা একোটাহঁত নেপেলোৱা নহয়। পিছে সেই বেনামী চিঠিবোৰৰ প্ৰেৰক কোন আছিল সেয়া নজনাকৈয়ে তেনেবোৰ প্ৰেম কাহিনীৰ অন্ত পৰিছিল। এজন বুলি নকৈ দুই একে বুলি এইকাৰণেই কৈছোঁ,

:তোমাৰ নামটো কি? :ভেদাইলতা :কি বুলি ক’লা? :ভেদাইলতা :নাম নাই নে কি? ঔৰা, ডাঙৰকে কোৱা কনকলতা নে আঙুৰলতা কি কৈছা৷ :ঐ ৰুমি ,এইক নাম এটা দিব লাগিল হে৷ : ভেদাইলতা তোমাৰে নাম ভাজি কৰি খায়, ভেজাল কৰা তেলত ভাজে খবৰ হ’লে নাই, খবৰ হ’লে নাই৷ – ৰুমিবাইদেউৰ ইনস্টেন্ট্ পেৰডী৷ – এক গিৰ্জনি! মনে মনে থাকিল তাই৷ এই বাইদেউহঁতেও কিবা বেছি বেছি কৰে আৰু৷ ইমাননো সৰুকে কৈছেনে তাই৷ যি বুলি মাতে মাতি থাকক৷ আঙুৰলতা কনকলতা যা কিবা এটা মাতিলেই হ’ল৷ :ঠিক

“ঐ গান বন্ধ কৰ, ৰাতিপুৱাই ৰাতিপুৱাই বেবাই থকা গানবোৰ কেলে লগাৱ, বন্ধ কৰ” বিচনাৰ পৰাই প্ৰাঞ্জলে মাত লগালে। ৰাতিপুৱাই আকাশে চকুকেইটা মেলিয়ে গাৰুটোৰ কাষতে থকা মোবাইলত ফুল ভলিউমত হিন্দী গান এটা লগাইহে শুৱাপাতি এৰে। আকাশৰ মোবাইলত হিন্দী গান লাগিয়ে থাকে! বন্ধদিন হ’লেতো শেষেই…দিনটো গান বাজিয়ে থাকিব। মোবাইলত গান লগাই সি লগতে নিজেও চিঞৰি চিঞৰি গাই থাকে৷ সি হিন্দী গানৰো আকৌ চিঞৰি গগণ ফলা গানবোৰহে শুনে৷ আকাশে পুৰণা গান শুনিলেও ৰিমিক্সবোৰহে শুনে। ৰোমাণ্টিক গান হেনো ছোৱালীৰ বস্তু তাৰ ভাষাত। পিন্ধনতো একেবাৰে

মই তেতিয়া নৱম শ্ৰেণীত পঢ়ি আছোঁ। আমাৰ গাঁৱৰে ছোৱালী এজনী তেতিয়া সপ্তম শ্ৰেণীত পঢ়ি আছিলে। তেতিয়া তাইৰ লগত মোৰ অলপ লিলিমাই চলি আছে, প্ৰেম নামৰ নাটকখনৰ৷‌ তাইৰ ঘৰৰ মানুহৰ লগত মোৰ মাত-বোল নাই। কাৰণ এবাৰ উৰুকাৰ দিনা মোৰ বন্ধু এজনে সিহঁতৰ ঘৰৰ পদূলিত দিয়া বেৰখন ডাঙি আনি জুইত জাঁপি দিছিল। তেতিয়া তাইৰ খুৰাক আহি মোৰ লগতে দুজন বন্ধুক দম দিলে যে আমি হেনো আনিছোঁ বেৰকেইখন। আচলতে মই বেৰ অনাৰ সময়ত নাছিলোঁ, জুই জ্বলোৱা সময়ত জুইত দেখি আহিছিলোঁ। কিন্তু কোনে আনিছে

ফটা বুলি নকৈনো কি বুলি ক’ম আৰু। যোৰা নালাগোতেই ফাটি থাকিল। তেতিয়া ক্লাচ চেভেনমানত পঢ়িছিলোঁ। দেখাই শুনাই অপেস্বৰী নহ’লেও বেয়াও নাছিলোঁ ইমান। তেনেকুৱাতে চকু পৰিল এজনৰ ওপৰত। আই ঐ, ইমান ধুনীয়া ল’ৰাটো। চকুৱেই চাবানে, মুখেই চাবা, হাঁহিটোৰ কথা নক’লোৱেইবা। সি মোতকৈ দুবছৰ মানৰ ডাঙৰ আছিল, গীটাৰ বজাইছিল। আমি দেওবাৰে সদায় মইনা পাৰিজাতলৈ গৈছিলোঁ। তাতে সকলো লগ হওঁ। নাচ, গান, নাটক, তৰ্ক, আকস্মিক বক্তৃতা, কবিতা পাঠ সকলো হৈছিল। এইবোৰৰ মাজতে আমি ইটোৱে সিটোক পিৰিক্ পাৰাক্ চাই থাকোঁ সুবিধা মিলাই মিলাই। উহ্!

প্ৰেম এটা আলফুল শব্দ ফুলৰ দৰে সুবাসিত জোনাকৰ দৰে স্নিগ্ধ লালন কৰোঁ হৃদয়ত প্ৰতিনিয়ত৷ সঁচাকৈয়ে প্ৰেম মোৰ প্ৰতি উশাহৰ অপূৰ্ণ হেঁপাহ৷ প্ৰতিটো পুৱাই মই যেন হৈ পৰোঁ প্ৰেমৰ পৰশ বিচাৰি উৰি ফুৰা এটি পৰিভ্ৰমী চৰাই আৰু প্ৰতিনিশা টোপনি যাওঁ এটি প্ৰেমময় সপোনৰ অপেক্ষাত৷ ৰ’ব, আপোনালোকে নাভাবিব যে মোৰ জীৱনলৈ প্ৰেম কেতিয়াও অহাই নাছিল৷ আহিছে৷ ময়ো পাইছোঁ প্ৰেমৰ আলফুল সুকোমল পৰশ৷ এবাৰ নহয় বহুবাৰ মোৰ হৃদয়ৰ পদূলি গৰকিছে প্ৰেমে৷ কিন্তু প্ৰতিবাৰেই মলয়া বতাহৰ দৰে আহি বৰদৈচিলাৰ দৰে গুচি গৈছে প্ৰেম মোৰ