ফটিকাৰ ফটা ঢৌ সোমৰসে চৌ চৌ – ধনজিত বৰুৱা
১
মাইমনে যিদিনা মাৰি দিলে এনে এটি ডেন্স
কলা ছ্যুট-বগা ছাৰ্ট তাৰ দুচকুত কলা লেন্স
আগলৈ খোজেৰে পাছলৈ গ’ল
ৰেম্পৰ পৰা মাইমন পৰি ৰ’ল
নিচাত সিদিনা নাছিল হেনো তাৰ কোনো চেন্স
২
পাতাল ফাটি যেন সেয়া বাসুকী হে উলালে
দুই হাত ফণা কৰি এনেকৈ যে কোবালে
নৃত্য হল জোৰদাৰ
সকলো যে হুছিয়াৰ
নাগ-নাগিনৰ মিউজিক কোনে বাৰু বজালে
৩
দেশ জাতি উদ্ধাৰ আমি কৰিম টিলিকি চাটত
বিদেশী খেদিম ঘুৰাই গদা বৰ কথাৰ মাতত
ঘূৰণীয়া মেজ মেল
জমিব এতিয়া খেল
আৰু এটা লৈ লম অলপ ৰখাবিচোন বাটত
☆ ★ ☆ ★ ☆
10:38 pm
মজ্জা
10:44 pm
সুন্দৰ
11:18 am
ভাল লাগিল