ফটাঢোল

লিমাৰিক- স্বপনজ্যোতি

বিয়াগোম ঠিকাদাৰ হলিৰাম নাথ

কেৱল টকাৰ খক দিন ৰাতি বাদ

অইন সকলো পাছ

টকাহে সবাৰে আগ

প্ৰেচাৰে চুগাৰে ধৰি গিলে সুদা ভাত।

পাবত গজা লিখাৰু হৰিণী মহন্ত

এটা দুটা কিবা লিখি ভেমহে অনন্ত

যদিহে ভুলতো তুমি

কৈছা অপছন্দ বুলি

শ্মশান যাত্ৰাৰ কৰি দিব বন্দৱস্ত।

নিতৌ সন্ধিয়া “ফিটিং” নগেন কাকতি

হাতত ঝাড়ু লৈ থাকে পদূলিত মালতী

মালতী পত্নীৰ নাম

ঝাড়ুৰে আদৰা কাম

তথাপিও নিলাজ পুনঃ একেই গতি।

অংকৰ যেন যমৰাজ মাষ্টৰ ছাত্ৰ

ত্ৰিভূবন দেখুৱাই পাহৰিলে সূত্ৰ

ঘৰতে পয়মাল হ’ল

থিয়’ৰী নিমিলা হ’ল

মাষ্টৰণী পলাই গ’ল নেচালে গোত্ৰ।

“মুঠেই নল‌ওঁ মই ক’ভিডৰ বেজী

সকলো গোকাট মিছা মাথোঁ কাৰচাজী

ফাল্টু কথা “গৰ্মেন”ৰ

না! কাম নাই মাস্কৰ

অক্সিজেন নাকত লৈ GMC ত আজি!

লালাজীৰ “ষ্টক ফুল” চাৰিটা গোদাম

লকডাউন? আহি গ’ল “লক্ষ্মী” মেডাম!

বেপাৰ গৰম হ’ব

এক্সট্ৰা কামাই হ’ব

ধূতিত লগায় পকেট আৰু চেফ্টি বুটাম।

দুপ‌ইচা ঘটো বুলি যেনে তেনে কৰি 

লোন লৈয়ো কিনিছিলোঁ বেটাৰীৰ গাড়ী

কাৰ্ফিউটো হ’ল কাল

লোন হ’ল হাড়মাল

কিস্তিটো দিবলৈ বেচো তামোলৰ বাৰী।

☆ ★ ☆ ★ ☆

One comment

  • Dibyalata Baruah Ahmed

    বৰ সুন্দৰ লিমাৰিক👌 ভাল লাগিল👌👌

    Reply

Leave a Reply

Your email address will not be published.