আপদীয়া পদ্য – ৰাজীৱ শৰ্মা

নীৰৱে লুটিলে বেংকৰ ধন-বিত
দেখি হ’লো আচৰিত লুণ্ঠনৰ কিট

সৰিয়হৰ ডুলিতে ভুত
নিয়মৰো ৰাখি থয় খুট

মৰাক মাৰিবলৈ ৰজাই পাতে মিট

লাখে লাখে টকা খাই খোদ চৰকাৰী বিষয়া
সম্পত্তিৰ পাহাৰ গঢ়ে নকৰি কাকো পৰোৱা

দুৰ্নীতিৰ পাপৰ ভাগ
ৰজাৰে যে সিংহভাগ

চকুমুদা ৰজা শ্ৰেষ্ঠ হয় ভাওঁনাৰ বহুৱা

আকৌ আহি পালেহি চেবাৰ পৰীক্ষা দামী
আগৰ ভুলৰ নহয় যেন পুনৰামি

কেউফালে চি চি টিভি
পৰীক্ষাৰ্থী আছে ভাবি

গৰুৱে নাখালেই পাম আমি স্কুটি দামী

☆★☆★☆