আপদীয়া পদ্য – হেমেন ডেকা

১)

বাদুলিয়ে কলঠোক খোৱা বুলি ক’বলৈহে পালে

বাদুলি বিচাৰি বহু ডেকাই বিম্বাশবদে লৰ দিলে

ক’লৈ পলাল নিশাচৰ

সৱেই বোলে ধৰধৰ

ধেই,কল দেখোঁ পকাই নাই-খেনোৱে আহি ক’লে৷

২)

বোন্দা মেকুৰী এটাৰ অন্তৰত বৰ দুখ

বহুদিন হ’ল- দেখাই নাই মাছৰ মুখ

বজাৰত দেখো জুই

ৰজাঘৰো আছে শুই

হতাশ বিড়ালে কাঁইট চেলেকিয়ে লভে সুখ৷

৩)

খাহী ছাগলীয়ে কি বুজিব ঘাতকৰ দৃষ্টি

কিয়নো বাৰু ইমান আদৰ-যত্নৰ বৃষ্টি

খন্তেকীয়া সুখৰ জীৱন

লাভ কৰে সশ্ৰদ্ধ তোষণ

নেজানিলে সি যে বৰভোজৰ বাবেই সৃষ্টি৷

☆★☆★☆