.

ফটাঢোল

সম্পাদনা- মৌচুমী বৰি



কৰ্মব্যস্ত মানুহৰ জীৱনত হোৱা কিছু ভিন্ন ৰসাল অনুভৱ৷

হাস্য-ব্যংগাত্মক কল্প কাহিনী৷

দৈনিক জীৱনৰ ৰসাল অভিজ্ঞতাসমূহৰ সৰল প্ৰকাশ৷

নামটোতেই গম পাইছেই, পদ্য কি হ'ব!

পাঠকৰ মুখত হাঁহিৰ খলকনি তোলা মৌলিক কৌতুক৷

জগত সভালৈ অসমীয়া হাস্য-ব্যংগ সাহিত্য

এই মাহৰ অতিথি

অন্ধবিশ্বাসৰ জুইয়ে শেহতীয়াকৈ অসমখন ছানি ধৰাৰ সময়তেই মনত পৰিছিল দেৱকান্ত সন্দিকৈ ছাৰলৈ। তেখেতৰ দৰে স্পষ্টবাদী তথা যুক্তিত আপোচবিহীন ব্যক্তিত্বৰ সান্নিধ্যলৈ অহাটো ফটা-ঢোলৰ বাবে এক মাইলৰ খুঁটি।

সন্দিকৈদেৱৰ কৰ্মৰাজি আৰু ‘ফটাঢোল’ আলোচনীৰ কিছু জিজ্ঞাসা:

এক চিন্তাকৰ্ষক ব্যক্তিত্ব হিচাপে অসমীয়া ভাষা-সাহিত্যত আলোকপাত কৰা সন্দিকৈ ছাৰৰ সাহিত্যৰ কৰ্মৰাজি বিশেষকৈ যুক্তিৰ ওপৰত নিৰ্ভৰশীল।  ঈশ্বৰ, অলৌকিকতা, অন্ধবিশ্বাস, সৌন্দৰ্য, সংস্কৃতি, জীৱন, সমাজ আদি বিভিন্ন বিষয়ত নিজৰ চিন্তাসূত্ৰত তেখেতে বহুমাত্ৰিক পৰ্যবক্ষণ তথা বিশ্লেষণ অব্যাহত ৰাখি জটিলতৰ কথাবোৰকো সৰল ৰূপত উপস্থাপন কৰিবলৈ সক্ষম হৈছে। অতি শক্তিশালী চিন্তা-প্ৰৱাহেৰে যুক্তিৰ সত্যতা প্ৰতিপন্ন কৰিব পৰাটো তেখেতৰ অন্যতম দক্ষতা। ৰমণীয় অনুভৱ, চিন্তা-শিল্প, জীৱনৰ প্ৰথম পাঠ, ককা আৰু নাতিৰ আধুনিক সংলাপ, ঈশ্বৰহীন পৃথিৱীৰ সপোন, জীৱনৰ সুখ-দুখ, এটা সামাজিক বিজ্ঞাপন, মানৱতাৰ সাধনা, পুৱাই দুৱাৰ খুলি দেখা পৃথিৱীখন, জীৱনটো আমি মাথোঁ এবাৰেই পাওঁ – ইত্যাদি অলেখ গদ্যসংকলনেৰে অসমীয়া ভাষা-সাহিত্য টনকিয়াল কৰা প্ৰতিভাশালী আৰু জনপ্ৰিয় লেখকগৰাকীৰ এটা মৌখিক সাক্ষাৎকাৰ ল’বলৈ পাই অনলাইন আলোচনী ‘ফটাঢোল’ অতিশয় সুখী আৰু আনন্দিত হৈছে৷

আহকচোন তেখেতৰ বিষয়ে কিছু জানিবলৈ চেষ্টা কৰো……

জীৱন যাত্ৰাত সন্মূখীন হোৱা সৰু বৰ ঘটনাৰ ৰসিক প্ৰকাশ৷

অদ্ভুত প্ৰশ্নৰ ৰসাল উত্তৰ।

অসফল প্ৰেমক সফল হাস্যৰূপত প্ৰকাশ৷

হাস্য-ব্যংগ সাহিত্যৰ তথ্য ভিত্তিক কিছু কথা৷

বিভিন্ন ভাষাৰ হাস্য-ব্যংগ লিখনিৰ

অসমীয়া অনুবাদ৷

fotadhol003
fotohu007
fotadhol002
flood relief

'ফটাঢোল' বাৰ্তা

ফটা-ঢোল গোটটো মূলতঃ এক হাস্য-ব্যংগৰ গোট। হাঁহিবোৰ মহঙা হোৱাৰ দিনত ইণ্টাৰনেটৰ মাধ্যমত বিভিন্নজনৰ ওঁঠত নিৰ্ভেজাল হাঁহিৰ মৌ এটুপি তুলি দিব পৰাৰ সমানে সমানে সমাজৰ অপশক্তিবোৰৰ ব্যংগাত্মক উপস্থাপনেৰে বিবেকৰ চকু মুকলি কৰি মানুহক সঠিক দিশ দেখুৱাটোৱেই এই গোটৰ মূল উদ্দেশ্য। এইখিনি কৰিবলৈ যাওঁতে চিৰচেনেহী অসমীয়া ভাষাৰ লিপিসমূহক ব্যাকৰণগতভাৱে শুদ্ধ ৰূপত প্ৰতিষ্ঠা কৰি ভাষা সাহিত্যৰ জগতখনো টনকিয়াল কৰাৰ প্ৰচেষ্টা চলাই থকা হৈছে। ফটা-ঢোল ই-আলোচনীখন এনে এক উদ্যমী প্ৰকাশ। ইতিবাচক চিন্তাৰ সমাহাৰ ঘটাই এক সুস্থ জনজাগৰণ গঢ়ি তোলাৰ লগতে হাস্য-ব্যংগৰ লেখক সৃষ্টি আৰু অবিৰত সাহিত্য চৰ্চা এই আলোচনীৰ প্ৰধান লক্ষ্য।

যিহেতু হাঁহিয়েই এই গোটৰ প্ৰধান উপকৰণ, তাৰবাবে হাঁহিক ব্যাহত কৰা যিকোনো শক্তিৰ বিৰুদ্ধে উঠি পৰি লাগিবলৈ সদস্যসকলৰ মাজত অহৰহ এক যোগাত্মক শক্তিয়ে ক্ৰিয়া কৰি থাকে। এই ক্ৰিয়াৰ ফলস্বৰূপে কলমৰ মাধ্যমৰপৰা সামাজিক কামলৈ ইয়াৰ পৰিসৰ বৃদ্ধি কৰা হৈছে। লক্ষীমপুৰৰ তথা যোৰহাটৰ জাঁজীমুখৰ বানাক্ৰান্ত ৰাইজৰ লগতে দুখনকৈ অনাথ আশ্ৰমত সাহাৰ্য প্ৰদান কৰাটো এই সামাজিক কামৰ দুটি উদাহৰণ। তদুপৰি অৰ্থৰ অভাৱত চিকিৎসা বিলম্ব হোৱা মঙলদৈৰ মেধাৱী যুৱকজনক অতি কম সময়ৰ ভিতৰতে আৰ্থিক তথা মানসিক দিশত সুস্থ কৰাৰ প্ৰচেষ্টাই এই গোটৰ সদস্যসকলৰ মাজৰ আন্তৰিকতাকে প্ৰমাণ কৰে। এয়া আৰম্ভণি মাত্ৰ। এই গোটৰ তত্বাৱধানতে আমি প্ৰয়াস কৰিছোঁ আৰু অলপ ব্যতিক্ৰমী কামৰ। অচিৰেই আমি গঠন কৰিম এটা স্বেচ্ছাসেৱী সংগঠন "ফ'কাছ অসম" (Fotadhol Offbeat Cultural Unity Society Assam - FOCUS Assam)ৰ। তাৰ ৰূপৰেখা তৈয়াৰ কৰি থকা হৈছে যাতে আৰ্তজনৰ কাষত আমি ঠিয় দিব পাৰো কিঞ্চিত সহায় হৈ।

নিৰ্মল হাঁহিৰ এই মিছিলটো আগবঢ়াই নিবলৈ সকলোৱে এই মিছিলত যোগ দিওঁ আহক, ভূপেনদাৰ সুৰতে গাওঁ আহক,

সময়ৰ অগ্ৰগতিৰ

পক্ষীৰাজত উঠি

যাওঁ মই নতুন দিগন্তলৈ

হাঁহি মুখে, হাঁহি মুখে!

'ফটাঢোল'ৰ ভিতৰচ'ৰা

হাস্য-ব্যংগৰ মাহেকীয়া ই-আলোচনীখন আপোনালোকৰ হাতত তুলি দিবলৈ পাই আমি অত্যন্ত সুখী অনুভৱ কৰিছোঁ৷ আলোচনীখনত “ফটাঢোল” গোটৰ সদস্যসমূহে গোটত প্ৰকাশিত কৰা লেখাৰপৰা সম্পাদকে প্ৰকাশৰ বাবে উপযুক্ত বুলি বিবেচনা কৰা লেখা তথা সাহিত্য জগতৰ প্ৰতিষ্ঠিত আৰু জনপ্ৰিয় লেখকৰ লেখা সংগ্ৰহ কৰি সম্পাদনা কক্ষত বৰ্ণাশুদ্ধিকে আদি কৰি অলংকৰণ, আপল'ডিং আদি বিভিন্ন স্তৰৰ মাজেদি পাৰ হৈ আপোনাসৱৰ আগত প্ৰকাশিত ৰূপত আহি পৰেহি৷ ইয়াত সম্পাদকৰ লগতে সম্পাদনা কক্ষৰ প্ৰতিজন ব্যক্তিৰ মাহজোৰা প্ৰচেষ্টা তথা পৰিশ্ৰম নিহিত থাকে৷ আহকচোন, আপোনাসৱক হাঁহি বিলোৱাৰ আমাৰ এই চালুকীয়া প্ৰচেষ্টাৰ আঁৰত ওতঃপ্ৰোত ভাবে জড়িত থকা সদস্যসকলক চিনাকি কৰাই দিওঁ৷