পঞ্চপদী- হেমেন ডেকা
১
ঘাতকৰ মুখত দেখোন কি সুন্দৰ হাঁহি
ভোজসভাত বজাওঁ আমি সম্প্ৰীতিৰ বাঁহী
হ’লোঁ বুদ্ধিহীন জীৱ
সেয়েহে চাগৈ ক্লীৱ
ভেবা লাগি চাই ৰওঁ, আমি যে ভোজৰ খাহী!
২
অজান্তি মুলুকত আছিল এক অধিপতি
বিদেশীৰ দাদাগিৰি চলে য’ত দিন-ৰাতি
দেশত লাগে হুৱা-দুৱা
নামি পৰে চোৰাংচোৱা
শান্তি বিচাৰি গঠন কৰে তদন্ত সমিতি৷
৩
কিমান বজাম আৰু ফটাঢোল
কোনেনো বুজে পালিনেতাৰ মোল
কালে দিব খোজে গঁতা
কোনেও নিদিয়ে বঁটা
কি যে হ’ব- হৰি বোল হৰি বোল৷
☆ ★ ☆ ★ ☆
9:50 pm
হেমেন ডেকাৰ পঞ্চপদী মানেই মোৰ প্ৰিয় ।