ফটালিমাৰিক – ধনজিৎ বৰুৱা
: জনতা
আঁচনিবোৰ জাল তাত মুহিবলৈ জনতা
আঁচনি নিদিলে বাৰু নাথাকিব নেকি ক্ষমতা
আমিয়ে পূৰাম মৌলিক প্ৰয়োজন
অৰ্থনীতিত এয়া অভিনৱ আয়োজন
দেশ মাতৃয়ে পুহি ৰাখিছে কি আচৰিত মমতা
: দূৰ্ঘটনা
ঘোঁৰাই খালে কমাৰৰ লোহা ডুবোৱা পানী
আইৰণ আহিল তেজত হিঁ হিঁয়নীৰ বাণী
মালিক বাগী উফৰাই
লৈ গ’ল চোঁচৰাই
ভাল বপুৰাই নল’লে পেটাৰ আইন জানি
: টমী
কুকুৰ বুলি কিয় কোৱা তাৰ নাম টমী
মই পঢ়ি থাকিলে সি চাই থাকে জুমি
কাষৰ ঘৰৰ মেক্স
নলয় মৰমৰ টেক্স
ইমান নেগুৰ লৰাই মাতে তোমাক মৰমত পমি
☆ ★ ☆ ★ ☆