ফটাঢোল

লিমাৰিক-স্বপ্নালী কলিতা

১/

বৰুৱানীৰ দুদিন মুখ দেখা নাই

চুবুৰীৰ শকতি তেওঁতে থাকে হায়

আৰ কথা খুজি তাক

হাঁহিটিতে থাকে পাক

নহ’লে সময়বোৰ অবাবতে যায়।

২/

শৰণ ভজন মানি ভকতীয়া হ’ল

ভোজ-ভাতৰ লোভ জিভাতে লাগি ৰ’ল 

বৰা-বৰানীৰ দশা 

চৰিত্ৰলৈ কিনো চাবা

বু-বু-বা-বাত লাগিল গাঁও ওপৰ-তল।


৩/

কৰুণায়ে খহালে বগা ল’ৰাৰ ঘৰ 

উপায় নাপাই বোলে বেপাৰতে ধৰ 

দহজনী মুৰ্গী কিনি

কণী বেছি চাউল-চেনী

অনাত লগনীয়াৰ কথা বৰ বৰ ।


৪/

দদাইদেৱে বোলে হেৰ’ ল’ৰাৰ মাক

ল’ৰালৈও চাবি নুদুষিবি যাক-তাক

খুৰীয়ে বোলে কি কয়

মোৰ ল’ৰা তেনে নহয় 

পাছদিনা সোমালেহি বোৱাৰীকে ঘৰ।

☆ ★ ☆ ★ ☆

Leave a Reply

Your email address will not be published. Required fields are marked *