ফটাঢোল

লিমাৰিক-স্বপ্নালী কলিতা

 (১)

মলসুগুৰিৰ মুহিধৰ শইকীয়া

পটলুং এৰি ধৰিলে বৰ চুৰিয়া 

কৃষ্ণ কৃষ্ণ ৰাম নাম 

নাই আৰু আন কাম 

চিন্তাত গৃহিণীৰ বাৰে-কুৰি নৰিয়া।

(২)

কেৰ্‌ৰেক্‌ কেৰেক্‌ চলাই চাইকেল 

মনি দাইটিৰ নাই টিলিলিং বে’ল 

মাস্ক নাইকিয়া মুখ

আনৰ নেদেখি দুখ

বৰুৱাই বোলে দাই নামাৰিব মেল।

(৩)

বাচাধনৰ হ’ল বোলে গহীন ৰোগ

দেউতাক-মাকে পালে বাৰুকৈয়ে শোক

ডাক্তৰে খবৰ দিছে

সকলো নৰ্মেল আছে 

শুনিয়েই দুয়োৰ হ’ল প্ৰেচাৰ ষ্ট্ৰোক।


(৪)

ডিজিটেল দুনিয়াত ফুৰিবা-চাকিবা 

লোকৰ দুখত দুখী দেখিয়েই থাকিবা 

ইম’জিতে চকুপানী 

পলকতে হাঁহি সানি  

ঘূৰিব টাকুৰি ঘনে ঘনেই জানিবা ।

☆ ★ ☆ ★ ☆

Leave a Reply

Your email address will not be published.