ফটাঢোল

লিমাৰিক -স্বপ্নালী কলিতা

১//

মাঘে আহি জপনাত কৰে ঘট্‌ঘট

মই বোলো তহঁতেই হৱ যতচব

নোসোমাবি ভিতৰলে

বিহু-চিহু নাই হ’লে

লাং খাই পৰি আছোঁ পৰিয়ালৰ সৱ।


২//

পিঠাগুৰি নাৰিকল আৰু তিলৰ লাৰু।

সকলোৱে কান্দি কান্দি বহি আছে আৰু।

হায় বিধি হ’ল কি,

বিহু বুলি পিঠি দি,

গৃহস্থয়ে আমাক এৰি ল’লে কিয় গাৰু?


৩//

কেকনিতে মিউজিক গীত হ’লে নাই

চুবুৰীয়াই বোলে ইহঁত উঠিচেনে পাই

চুঁচৰি বাগৰি উঠি

পানীটুপি তপত কৰি

ডিঙি তিয়াবলৈ হৰি শক্তি দিয়া হায়!


৪//

ভয়তে বিতত হ’ল সকলোবোৰ দেই।

অমিক্ৰণে পালে বুলি লেই লেই চেই।

সেয়ে দুৱাৰ বন্ধ,

মাঘৰ বিহু পণ্ড,

মাঘ-মেজি একাকাৰ আমাৰ বিছনাতেই।

☆ ★ ☆ ★ ☆