পোনপ্ৰথমে আলোচনীখনৰ সম্পাদনাৰ দায়িত্বত থকা সকলোলৈকে আন্তৰিক অভিনন্দন জনালোঁ৷ শুভ আৰু সফল হওক এই যাত্ৰা৷ প্ৰথমৰে পৰা এতিয়ালৈ গ্ৰুপটোৰ এটা কথাই মোক আকৰ্ষিত কৰি আহিছে সেইয়া হৈছে ইয়াৰ প্ৰতিজন সক্ৰিয় সদস্যই আলোচনীখন সৰ্বাঙ্গ সুন্দৰ কৰিবলৈ যেন বদ্ধ পৰিকৰ৷ মানুহক হাস্য-ব্যংগ ৰচনাৰে হহুঁৱাব পৰাটো এটি কলা৷ যান্ত্ৰিকতাৰে ভৰা পৃথিৱীত নিৰ্দোষ হাস্যৰস আৰু কটু ব্যঙ্গৰ জৰিয়তে আমাক হাঁহিৰ খোৰাক যোগাইছে এই “ফটা ঢোল আলোচনী”খনে৷ কোনোবাই যদি জীৱনৰ জটিল পাকচক্ৰত পৰি হাঁহিবলৈ পাহৰিছে তেন্তে আহক, ‘ফটা ঢোল’ আলোচনীখনে আপোনাক হাঁহিৰ খোৰাক যোগাব৷ প্ৰতিখন

অসমীয়া ভাষা সাহিত্যৰ অন্যতম অংগ হাস্য-ব্যঙ্গৰ উকা চোতালত “ফটা ঢোল” ই-আলোচনীখন এটা ধূলিকণা মাথোঁ৷ আলোচনীখন এবছৰীয়া হ’ল৷ ন-পুৰণি লেখক লেখিকাৰ হাস্যৰসেৰে পূৰ্ণ প্ৰতিটো খণ্ডৰ প্ৰতিটো লেখাই আলোচনীখনৰ মানদণ্ড বহু ওপৰলৈ লৈ গৈছে৷ গল্পই হওক কিম্বা কাৰ্টুন, প্ৰবন্ধ কিম্বা ভিন্নস্বাদ প্ৰতিটো শিতান প্ৰতি খণ্ডতে সদা নতুনহৈ ওলায়৷ আলোচনী খনে অকল হাঁহিৰ খোৰাকেই দিয়া নাই, দিছে নতুন লেখক সকলক এখন মঞ্চ৷ আলোচনীখনৰ সম্পাদনা সমিতিৰ প্ৰতিজন সদস্যই কৰি অহা অক্লান্ত পৰিশ্ৰমৰ ফলত ইমান সুন্দৰ সুন্দৰ সংখ্যা কেইটা পঢ়িবলৈ পাই তেওঁলোকক ধন্যবাদ জনাইছোঁ৷ আগলৈ

এটা ঈৰ্ষণীয় আৰু ফাঁকত পৰি ৰোৱা উদ্দেশ্যৰে ফটা ঢোলৰ জন্ম দিয়াসকললৈ ধন্যবাদ। হঁহা আৰু হঁহুৱাব পৰাটো দুৰূহ কাম, অন্ততঃ আজিৰ দিনত। সেইফেৰা কাম কৰিবলৈকে নগৰে চহৰে ‘লাফিং ক্লাৱ’ খুলিও মানুহে ৰুটিনমাফিক হাঁহিবলৈ বিচাৰিছে। ‘ফটা ঢোলে’ খুউব সতৰ্কতাৰে হাঁহিবোৰ টানি আনি অনলাইনযোগে ৰাইজলৈ এৰিছে। এয়া সাহিত্যৰ লগতে সমাজসেৱাও। ‘ফটা ঢোল’ তাৰ ঢেপেক ঢেপেক মাতেৰেই আগবাঢ়ি যাওক, এয়ে আশা কৰিলোঁ। অ’ এটা কথা, কিছুমান লিখনিত এটা বাক্যৰ শেষত দিয়া ‘দাড়ি’ চিনটো প্ৰায়ে আখৰটোৰ লগত লাগি যোৱাৰ দৰে দেখা যায়। আপোনালোকে এইবিষয়ে নিশ্চয়

ফটা ঢোল গোটটোৰ আশাসুধীয়া চেষ্টাৰ ফল হ’ল এই ইণ্টাৰনেট আলোচনীখন। আলোচনীখনে এবছৰ পাৰ কৰিলে। বিভিন্নজনৰ কষ্টই ৰং ল’লে আৰু আজি আলোচনীখনে দোপত দোপে জনপ্ৰিয়তাৰ দিশত গতি কৰিছে। বহুজনৰ মুখত হাঁহি বিৰিঙাবলৈ সক্ষম হোৱা ব্যতিক্ৰমী আলোচনীখনত দ্বিগজ লিখকসকলৰ লগতে আগত ক’তো লিখি নোপোৱা লিখকসকলৰ লিখনিসমূহক স্থান দিয়াত তেওঁলোকৰ মনোবল বঢ়াত সহায় কৰিছে। আশা ৰাখিছোঁ আলোচনীখনে এনেদৰেই আৰু বহুত নতুন লিখকৰ জন্ম দিব, যিসকলে ক’ব যে, মই প্ৰথম ফটা ঢোলত লিখিছিলোঁ। জয়তু ফটা ঢোল। ☆★☆★☆

ফেচবুকৰ হাস্য-ব্যংগ গোট ফটা ঢোলৰ দ্বাৰা প্ৰকাশিত ‘ফটা ঢোল’ ই-আলোচনীখনে অসমীয়া হাস্য-ব্যংগ সাহিত্যক এক নতুন মাত্ৰা দিবলৈ সক্ষম হৈছে। বৰ্তমানৰ ব্যস্ততাময় একঘেয়ামী জীৱনবোৰত মানুহে হাঁহিবলৈয়ো পাহৰি যায়। তেনেস্থলত যোৱাবছৰ জুলাই মাহৰ পৰা প্ৰতিমাহে প্ৰকাশ হৈ অহা ‘ফটা ঢোল’ ই-আলোচনীখনে আমাৰ দৰে পঢ়ুৱৈক নিশ্চয় আকৰ্ষিত কৰিছে। হাস্য-ব্যংগ সাহিত্যৰ প্ৰতিটো দিশেই আলোচনীখনে সামৰি লোৱা বুলি ক’ব পাৰি। প্ৰতিটো শিতানেই আকৰ্ষণীয়। অসমীয়া হাস্য-ব্যংগ সাহিত্যত ‘ফটা ঢোল’ ই আলোচনীখন এক মাইলৰ খুঁটিৰূপে পৰিগণিত হওক। ‘ফটা ঢোল’ ই-আলোচনীৰ উত্তৰোত্তৰ কামনা কৰিলোঁ। জয়তু ফটা ঢোল। ☆★☆★☆

ফটা ঢোলৰ মই তেনেই নতুন সদস্য৷ কোনে মোক ইয়াত অন্তৰ্ভুক্ত কৰিলে গম নাপাওঁ, ইয়াৰ জৰিয়তে তেওঁলৈয়ো মোৰ ধন্যবাদ যাচিলোঁ৷ ফটা ঢোলৰ বিভিন্ন লিখনিবোৰ পঢ়ি সঁচাকৈয়ে মই বৰ আপ্লুত৷ হাস্যৰসৰ মাজেদি সমাজৰ বিভিন্ন সমস্যা ইয়াত অবলোকন হৈ আছে৷ কিন্তু ইয়াতকৈও মোক বেছি আগ্ৰহী কৰি তোলে মাহৰ প্ৰথম তাৰিখটোতে প্ৰকাশ পোৱা আলোচনীখনে৷ সঁচাকৈয়ে খুব উৎকৃষ্ট মানদণ্ডৰ লিখনি প্ৰকাশ হৈ আছে৷ ইয়াৰ প্ৰতিটো শিতানেই খুব মনোগ্ৰাহী আৰু হাস্যৰসেৰে পৰিপূৰ্ণ৷ প্ৰকাশক মণ্ডলীক ধন্যবাদ যাচিছোঁ তেওঁলোকৰ কৰ্তব্যনিষ্ঠাৰ বাবে৷ আলোচনীখনৰ লগতে ফটা ঢোল গোটটিৰ দীৰ্ঘায়ু কামনা